Procesi i vaksinimit të popullatës në shqipëri, ka shënuar në tetor një rënie të ndjeshme prej afro 40 për qindësh, krahasuar me dy muaj më parë. megjithatë autoritetet thonë se ritmi është i qëndrueshëm. Gjatë verës, fushata eci me ritme të larta, me një mesatare ditore prej 7500 dozash në korrik, duyke u rritur më pas në afro 8900 doza në gusht dhe shtator. Por tetori shënoi rënie me shifrat që tregojnë një mesatare ditore prej pak më shumë se 5400 vaksinimesh. Sipas të dhënave, mbi 47 për qind e popullatës mbi 18 vjec ka marrë të paktën njërën dozë të vaksinës anti covid ndërsa 41.3 për qind i ka marrë të dyja dozat. Grupmosha mbi 60 vjec është më e vaksinuara, sepse ishte edhe në kategoritë me përparësi. Por grupmoshat më të reja mbeten më pas. Grupmosha 18-24 vjec, ajo e studentëve, po shënon rritje në vaksinim për shkak edhe të detyrimit për tu imunizuar për të hyrë në auditorë. Ekspertët thonë sidoqoftë se sasitë më të mëdha në dispozicion dhe përmirësimi i infrastrukturës për shpërndarjen e vaksinave, janë një mundësi që fushata të ecë më shpejt. Ministrja e shëndetësisë ndërkohë tha një ditë më parë se shqipëria do të ndjekë objektivin e OBSH për një mbulim me vaksina të 70 për qind të popullatës deri në mesin e vitit të ardhshëm.