Një grup pune në Drejtorinë e Burgjeve janë mbledhur për të shqyrtuar kërkesën e Fredi Belerit, i cili kërkon leje të shkojë fizikisht në Parlamentin Evropian si eurodeputet. Aktualisht grupi i punës po shqyrton të gjitha mundësitë, por leja nuk është miratuar ende, për shkak se një personi i cili ka marrë dënim të formës së prerë, i lejohet të dalë nga qelia vetëm për të marrë pjesë në takime dhe jo vetëm, vetëm brenda territorit të vendit dhe jo jashtë saj. Por kërkesa e Fredi Belerit është leje për të shkuar në Bruksel dhe për tu betuar në postin e eurodeputetit të zgjedhur. Nisur nga kjo kërkesë dhe ligji shqiptar nuk ka ndonjë parashikim, ç’ka nga ana tjetër nuk përjashton mundësinë e arratisjes së tij. Në të tilla kushte, Drejtoria e Burgjeve është ende duke diskutuar kërkesën e Belerit, ndërsa nuk dihet nëse do të ketë apo jo një aprovim nga drejtori Klevis Qose.