Shtrëngimi i duarve mes Berishës dhe Metës zyrtarizoi partneritetin opozitar dhe bashkimin e forcave për zgjedhjet vendore të 14 majt. Me flamujt e Partisë së Lirisë dhe Partisë Demokratike krah njëri tjetrit, dy aleatët nënshkruan marrëveshjen politike që i hap rrugën garimit me kandidatë të përbashkët në zgjedhjet vendore. Kreu i Partisë së Lirisë, Ilir Meta nënvizoi se referendumet, primaret dhe transparenca do të jenë baza e kësaj aleance politike. Edhe pse sot janë bashkë në të njëjtën tryezë politike, akuzat dhe përplasjet me Berishës dhe Metës ndër vite nuk kanë munguar. Kreu i Partisë së Lirisë, dha këtë koment për prishjen e koalicionit me Berishën në 2013. Në fjalën e tij, Meta hodhi poshtë mundësinë se i ka propozuar Berishës emrin e tij për kryetar të këshillit bashkiak.