Ka nisur pjesërisht procesi i vaksinimit me ruse Sputnik V në stadiumin "Air Albania, ndërsa të dielën pritet të vaksinimin masiv i personave nga 70 vjeç e sipër. E pranishme në Insitutin e Shëndetit Publik Ministrja e Shëndetësisë, Ogerta Manastirliu deklaroi se në pika të caktuara në qytetet e tjera të vendit, do të ngrihen çadra, për të garantuar një proces më të shpejtë të vaksinimit. Vaksina ruse Sputnik V nuk është certifikuar ende nga EMA, por ajo ka nisur të përdoret që prej Gushtit të 2020 dhe është regjistruar në shumë vende, kjo ka bërë që Komiteti i Këshillimor i Ekspertëve të marrë vendimin për ta sjellë edhe në Shqipëri për vaksinimin e popullatës. Shqipëria e nisi vaksinimin në Janar me Pfizer, për ta vijuar me AstraZeneca dhe tashmë listës i shtrohet dhe Sputnik V. Procesi i vaksinimit anti-COVID vijon që prej 11 janarit dhe në total janë kryer 53,992 vaksinime për personelin shëndetsor, të moshuarit dhe mësuesit.