Ish-ministri i Shëndetësisë Ilir Beqaj është paraqitur sërish në SPAK këtë të premte, për t’u marrë në pyetje për koncesionin e sterilizimit të seteve kirurgjikale. Teksa ndodhej brenda ambienteve të Prokurorisë së Posaçme, Beqaj është gjobitur sërish për herë të dytë nga policia bashkiake për parkim të gabuar. Ish-ministri sërish ka përdorur makinën e Ermal Kurtulajt, i cili është në hetim nga SPAK për abuzimet te SASPAC, Agjencia e Koordinimit të fondeve të huaja, për të cilën prokuroria dyshon se është përfshirë edhe Ilir Beqaj, i cili ka qenë ish-drejtor i SASPAC. Gjoba prej 3000 lekësh është vendosur në emër të Ermal Kurtulajt. Pas 3 orëve dhe 30 minuta në SPAK marrje në pyetje, Beqaj i pyetur nga gazëtarët se pse përdor makinën e Ermal Kurtulajt, e cila është një mjet që po hetohet nga SPAK, tha se erdhi me ndihmën e avokatit dhe se nuk ka patentë.