Qeveria serbe ka vendosur të kërkojë testin negativ të koronavirusit për udhëtarët që hyjnë në territorin e saj. Testi PCR, duhet të jetë jo më i vjetër se 48 orë, dhe do t’iu kërkohet si shtetasve të vendit, ashtu edhe të huajve. Siç, njoftoi Qeveria e Serbisë, ky vendim do të hyjë në fuqi të dielën, në 20 dhjetor. Testi PCR përcakton nëse virusi është aktiv, duke analizuar strishat nga hunda dhe fyti. Ekzekutivi serb e miratoi këtë masë pas rekomandimit të Shtabit të Krizave, institucioni pergjegjws pwr mbrojtjen e shëndetit të popullatës nga pandemia. Gjithashtu u njoftua se qytetarët e Serbisë, të cilët nuk kanë një test negativ PCR, do të detyrohen të hyjnë në vetizolim për dhjetë ditë. Megjithatë, ata mund të testohen në Serbi dhe nëse testi i tyre PCR është negativ, nuk do të jenë më të detyruar të qëndrojnë në izolim në shtëpi. Beogradi zyrtar I bwri thirrje të gjithë qytetarëve që duan të testohen në baza vullnetare, që të caktojnë afatin për testim vetem në mënyrë elektronike, pwr tw shmangur kwshtu grumbullimet e mwdha dhe radhët para ambulancave të COVID-19.Në 24 orët e fundit, Serbia shënoi 53 viktima dhe 5884 të infektuar me koronavirus. Pamjet: AFP