Kryetari i Bashkisë Shkodër Benet Beci, i akuzuar për “shkelje të barazisë në tendera” ka kërkuar përmes avokatit të tij në seancën paraprake në GJKKO, gjykim të shkurtuar. Të pandehurit e tjerë, Adela Ruko, bashkëshortja e ish-kreut të ARRSH Evis Berberi, Edlira Mitrushi, Jonid Kazani, Yllka Nishku, Premtim Dauti, Rudin Gjoni, nuk janë shprehur ende për formën e gjykimit. Seanca e radhës gjyqësore ndaj kryebashkiakut të Shkodrës dhe të pandehurve të tjerë, është shtyrë për në 17 mars. Shkak për shtyrjen e seancës, është bërë Gentjan Rumano, avokati që mbron në këtë proces Adela Rukon, I cili është larguar nga salla e gjyqit për një proces tjetër dhe ështe gjobitur me 100 mijë lekë nga GJKKO. Rumano u zëvëndësua nga një avokate kryesisht, teksa ky i fundit është bërë shkak në të paktën dy seanca për shytrjen e procesit gjyqsor.