Presidenti I Republikës, I cili ndodhet në vizitë zyrtare në New York të Shteteve të Bashkuara të Amerikës, ku po mban punimet Asamblea e OKB-së, ka takuar këtë të premte sekretarin e Përgjithshëm të kësaj organizate, Antonio Guterres. Lajmi është publikuar nga vetë kreu I shteti I cili thekson se biseda mes tyre është përqendruar në rolin aktiv të vendit tone për ruajtjen e paqes e sigurisë. “Kënaqësi të ritakohem me Sekretarin e Përgjithshëm të OKB-së, António Guterres, në kuadër të punimeve të Sesionit të 80-të të Asamblesë së Përgjithshme të Kombeve të Bashkuara. Biseda miqësore u përqendrua në rolin aktiv të Shqipërisë në ruajtjen e paqes dhe sigurisë, nxitjen e zhvillimit të qëndrueshëm dhe mbrojtjen e të drejtave të njeriut. I shpreha mirënjohjen Sekretarit të Përgjithshëm Guterres për lidershipin e tij gjatë këtyre kohëve sfiduese për Organizatën dhe multilateralizmin”, shkruan Begaj në reagimin e tij. Në Asamblenë e OKB Shqipëria u përfaqësua nga Presidenti Begaj dhe ministrja e Jashtme, Elisa Spiropali, ku edhe kjo e fundit ishte pjesë e takimit me Guterres së bashku me ambasadoren tonë në OKB Suela Janina.