Presidenti Bajram BEgaj, ka pritur në një vizitë zyrtare senatroin amerikan Steve Daines, I cili po viziton Shqipërinë në kuadër të një turi rajonal. Në takimin në të cilin Senatori Daines shoqërohej nga Ambasadorja e Shteteve të Bashkuara në Shqipëri, Yuri Kim, Begaj vlerësoi vizitën e senatorit. Ai u shpreh se kjo vizitë vjen në një moment të rëndësishëm të zhvillimeve rajonale por edhe në kuadër të partneritetit strategjik. Duke iu referuar lidhjeve të forta miqësore e njerëzore, vlerësoi se ato janë shumëdimensionale dhe shumë dinamike, dhe se Shqipëria do të mbetet një aleate besnike e Shteteve të Bashkuara. Duke u ndalur te bashkëpunimi shumëpalësh, Presidenti Begaj evidentoi në mënyrë të veçantë bashkëpunimin e shkëlqyer në kuadër të Këshillit të Sigurimit të Kombeve të Bashkuara, ku Shqipëria prej 1 janarit 2022 mban një vend jo të përhershëm.