Bebe Rexha ka konfirmuar se do të sjellë albumin e saj të tretë në karrierë. Të gjithë fansat presin me padurim këngët e Bebes të cilat bëhen menjëherë hite. Lajmi bëhet me dije nga vetë artistja, e cila ka konfirmuar zyrtarisht datën se kur do të publikohet ai. Këngëtarja me origjinë shqiptare, ka thënë për ndjekësit e saj se albumi muzikor do të mbajë titullin thjesht ‘Bebe’ dhe do të publikohet më 28 prill. Gjithashtu, pjesë e albumit të ri muzikor pritet të jetë edhe një bashkëpunim me Dolly Parton, të cilën këngëtarja e ka konsideruar si ikonën e muzikës. Kënga me titull ‘Season” flet për ndryshimin e stinëve, por edhe dëshirën për të ndryshuar si person. Pak kohë më parë Bebe Rexha, gëzoi fansat kur njoftoi edhe një turne veror me 20 data, i cili fillon më 31 Maj. Biletat do të dalin në shitje më 24 Mars.