Presioni i Bashkimit Evropian ndaj Serbisë për mbështetjen e sanksionet ndaj Rusisë është duke u rritur, duke bllokuar rrugën e Beogradit drejt anëtarësimit në BE. Burime diplomatike në Bruksel zbulojnë për mediat se procesi i negociatave të anëtarësimit të Serbisë në BE praktikisht është ngrirë. Kjo është edhe një nga arsyet pse presidenti Aleksandër Vucic nuk do të marrë pjesë në samtin e Tiranës pasi e gjen veten totalisht të izoluar në skenën europianë. Kjo dëshmohet edhe me faktin se, për më shumë se një vit, Serbia nuk ka hapur apo mbyllur asnjë kapitull në procesin e negociatave. Për hapjen apo mbylljen e tyre duhet pajtim i të gjitha vendeve anëtare të BE-së. Dhe, disa vende, thonë diplomatët, “nuk duan që Serbia të shpërblehet me vazhdimin e procesit të anëtarësimit në BE, sikur të mos ketë ndodhur asgjë“.