Bashkimi Europian vlerëson se një armëpushim I menjëhershëm është zgjidhja e vetme për ndaljen e vrasjeve të qytetarëve të pafajshëm në Gaza nga Izraeli, I cili pretendon se po Lufton me grupin e Hamas. Nëpërmjet një njoftimi të bërë nga shefi I politikës së Jashtme, Josep Borrell, Be shprehet se mbështet thirrjen e fundit të SHBA-së, Egjiptit dhe Katarit për një armëpushim në Gaza, ku deri më tani kanë humbur jetën rreth 40 mijë palestinezë, që nga 7 tetori si kundërpërgjigje për sulmin e Hamas mbi Izrael. “BE i bashkohet Egjiptit, Katarit dhe SHBA-së në thirrjen e tyre për të përfunduar, pa vonesë, marrëveshjen e armëpushimit dhe lirimin e pengjeve,” tha shefi i politikës së jashtme të BE-së Josep Borrell në X. “Ne përsërisim mbështetjen tonë të plotë për ndërmjetësimin e tyre për t’i dhënë fund ciklit të padurueshëm të vuajtjeve. Marrëveshja do të hapë gjithashtu rrugën për de-përshkallëzimin rajonal,” shtoi ai. Sipas Presidentes së Komisionit të BE-së, Ursula von der Leyen një armëpushim urgjent në Gaza është “e vetmja mënyrë për të shpëtuar jetë, për të rivendosur shpresën për paqen dhe për të siguruar kthimin e pengjeve”. Edhe presidenti i Këshillit të BE Charles Michel shprehu mbështetjen e plotë për thirrjen trepalëshe.