Liderët e gjashtë partive opozitare turke u mblodhën të shtunën për të hartuar së bashku një strategji për të ardhmen e sistemit qeverisës të vendit, një lëvizje që synon të rrëzojë presidentin që e ka cimentuar pushtetin e tij në vite. Në një deklaratë, liderët e partive opozitare thanë se Turqia po përjetonte krizën e saj më të thellë politike dhe ekonomike të historisë së saj dhe fajësuan për këtë sistemin presidencial-ekzekutiv. Ata thanë se qëllimi i përbashkët ishte të transformonin qeverisjen e turqisë në një sistem parlamentar të fortë. Ata nuk e përmendën presidentin Recep Tayyip Erdogan me emër, por qëllimi i qartë i tyre është të gjejnë një mënyrë për të punuar bashkë e për ta rrëzuar atë. Pas më shumë se 11 vitesh si kryeministër i Turqisë, erdogan u zgjodh president në 2014-ën. Në atë kohë, posti ishte kryesisht ceremonial, por në 2017-ën, zgjedhësit turq miratuan një sistem presidencial-ekzekutiv, duke zgjeruar shumë fuqitë e erdogan në kurriz të atyre të kryeministrit dhe parlamentit. Erdogani u rizgjodh në detyrë vitin që pasoi ndërkohë që zgjedhjet parlamentare dhe presidenciale të radhës do të mbahen në qershor 2023.