Partia Demokratike ka prezantuar programin për rimëkëmbjen duke e foksuar te mirëqenia sociale, duke u fokusuar te rritja e pensioneve dhe dhënien e kredive në formën e subvencionit për 20 mijë familjeve dhe çiftet e reja dhe bonus për bebet e porsalindura në vlerën e 3 mijë lekë në muaj për 5 vite. Në programin e Partisë Demokratike një angazhim i rëndësishëm është ndihma për çiftet e reja. Teksa bëri prezantimin e programit për mirëqenien sociale, Basha tha se do të subvencionohen në masën 100% të interesit të kredive bankare që 20 mijë familje të reja do të marrin për banesat e tyre. “Angazhohem për subvencionim të plotë të interesave për kredi për shtëpi për 20 000 familje dhe çifte të reja. Për të ardhmen tonë, për ata që kemi detyrë t’ju sigurojmë kushtet më të mira dhe mundësinë për sukses në jetë. Po ua them fare qartë, ne do të paguajmë 100%të interesave bankare, për çdo kredi që një çift i ri apo një familje e re merr për të blerë një banesë. 5000 të tilla në vit gjatë katër viteve të para, 20 000 çifte dhe familje të reja do të përfitojnë subvencionimin 100% të interesave të kredive që do të marrin për banesën e tyre” Kryedemokrati premtoi se ai të vinte në spushtet personat me aftësi të kufizuar do jenë pjesë e qeverisjes, si dhe do dyfishojë asistencën për familjet në nevojë dhe do rrisë me 5% pensionet.