Nuk ka humbur kohë Kreu i PD Lulzim Basha. I ndodhur nën presionin e akuzave të ish kryeministri dhe ish kreut demokrat Sali Berisha se vendimi i tij për ta përjashtuar nga grupi parlamentar është një pazar i pistë me Edi Ramën, Basha ka mbledhur këtë të shtunë e selinë e demokratëve, kryetarët e degëve në një takim me dyer të mbyllura. Burimet nga takimi kanë qenë të rezervuara por siç mësohet Basha ka diskutuar pikërisht rreth situatës së krijuar në PD pas vendimit të tij që la jashtë grupit liderin historik të kësaj partie politike Berisha i cili është hedhur në sulm të hapur kundër bashës. “Një vendim emocional do të çonte në izolimin e partisë. Jam përpjekur ta bindë Dr. Berishën dhe të negociojë me palën tjetër, por zoti Berisha nuk pranoi asgjë. Vendimi racional u mor në interes të PD dhe të vendit. E kundërta do të çonte vetëm në humbje. Nuk ka armik më të madh për mua se Edi Rama. E rëndësishme është të mbani njerëzit të informuar që situata të kalohet me koston më të vogël të mundshme”, është shprehur Basha në takim sipas burimeve te TCH. Në përfundim të takimit kreu i PD Durrës Ferdinand Xhaferi foli rreth asa që u disktua me dyer të mbylluar.