Kryetari i demokratëve euroatlantikë, Lulzim Basha në një intervistë me gazetarin Xhoi Malësia në emisionin “Breaking” në Top Neës u shfaq i hapur për të bërë aleancë me forcat e reja politike. Basha: “Ne kemi themeluar tashmë një hark opozitar euroatlantik i cili është i gatshëm, i hapur për bashkëpunim me të gjithë forcat politike, përfshirë dhe forcat e reja politike. Sepse me ato forca politike, pavarësisht prej dallimeve programore që mund të kemi, na bashkon vendosmëria për të mos pranuar një 34 vjeçar tjetër si ky që lamë pas. Tranzicioni duhet të mbyllet, dinozaurët e tranzicionit nuk mund të vazhdojnë ta mbajnë Shqipërinë peng.” Vendimin për vulën e Partisë Demokratike, Lulzim Basha e konsideron një pazar mes Ramës dhe Berishës që shkon, sipas tij, në vazhdën e bashkëpunimit për aminstinë dhe shkatërrimit të komisionit për Reformën Zgjedhore.