Kështu e cilësoi Sekretari i Përgjithshëm njëherësh kryetar i grupit parlamentar të Partisë Demokratike zyrtare, Gazment Bardhi, mbledhjen e Këshillit Kombëtar, të thirrur nga kryesia. Sipas tij një grup anëtarësh kryesie e zyrtarë të PD, kanë përvetësuar kompetencat e Sekretarit të përgjithshëm, e për këtë ai së bashku me 17 deputetë demokratë, kanë vendosur të mos marrin pjesë në mbledhjen e nesërme të Këshillit Kombëtar. Më tej Bardhu u shpreh i vendosur se nëse nuk ndiqet rruga statutore nuk do t’i njohë zgjedhjet e do të vijojë përballjet ligjore. Edhe pse e konsideroi këtë proces si nismë për interesa personale, sërish Bardhi nuk pranoi të përmend nëse bëhej fjalë për ish-kryedemokratin, teksa edhe në një intervistë për Top News ai është shprehur se do të mbajë qëndrimet konkrete, nëse Basha do të zyrtarizojë kandidimin e tij për kreu ne kësaj force.