Kreu i grupit parlamentar i Partisë Demokratike Gazmend Bardhi akuzoi sërish zëvëndës kryeministren Belinda Balluku për vjedhje. Në një reagim që u publikua në rrjetin e tij social, Bardhi thotë se vetëm në 6 projekte, vlera që ka vjedhur Balluku arrin sa buxheti i plotë vjetor i Bashkisë së Tiranës. Bardhi u shpreh se ndërkohë që ëndrrat dhe planet e saj vazhdojnë për veten dhë fëmijët, shqiptarët detyrohen të braktistin vendin. Ëndrrat dhe planet e Belinda Ballukut, që nuk përfshijnë ato të Ogertës, për mungesë hapësire në poster! Vetëm në 6 projekte korruptive vlera e vjedhjes arrinë sa Buxheti i plotë vjetor i Bashkisë së Tiranës. Ndërkohë me këtë CV të pasur vazhdon të ecë e qetë dhe e qeshur rrugëve të Tiranës, sa kohë ka nënshtruar me presion kriminal SPAK dhe prokurorët janë nënshtruar! Edhe në këtë reagim, nuk munguan akuzat e Gazmend Bardhit në drejtim të prokurorisë së posaccme, që sipas tij, nuk ka guxim të hetojë me paanësi dhe profesionalizëm Belinda Ballukun. Duke e cilësuar atë si zyrtaren më të korruptuar në 35 vite, kreu i grupit parlamentar shpesh herë i ka bërë thirrje SPAK të hetojë Balluku, jo vetëm për dënonimet që janë bërë nga ana e tij, por edhe nga të dhëna të tjera që janë publikuar në media në lidhje me zëvëndës kryeministren e vendit.