Banorët kanë dy ditë që po realizojnë lojën e siamezëve, ku dy partner ndërveprojnë si një trup i vetëm. Çifti i cili do e përfundonte sfidën me sukses, do të kishte avantazh. Ndarja e çifteve u bë në mënyrë rastësore, por disa banorë nuk e pëlqyen këtë lojë. Për këtë arsye, Vëllai i Madh ka njoftuar nëpërmjet një zarfi, duke u thënë se nëse do e realizojnë deri në fund këtë sfidë, çmimit të madh do t’i shtohej 20 mijë euro. Gjithashtu moderatorja e njohur, Arbana Osmani, u komunikoi banorëve se çmimi i madh prej 100 mijë eurosh, kishte rënë në 48 mijë euro, për shkak se disa nga banorët shkelën rregullat. Por banorët edhe pse nuk e pritën mirë si lojë, ata janë përkushtuar shumë për këtë provë dhe ka vendosur që t’i lërë të lirë, një ditë para afatit, të caktuar. Në shtëpinë e BB VIP ka hyrë një zarf i bardhë, ku thuhet se ata ia arritën qëllimit që të shtonin 20 mijë euroshin.