Shpresa se pandemia mund të marrë fund në pranverë, mesa duket u shua. Organizata Botërore e Shëndetësisë edhe njëherë ka ngritur alarmin në lidhje me shfaqjen e një mutacioni të ri. Bëhet me dije se është përhapur një nënvariant i ri i mutacionit Omicron, I cili quhet BA.2. Deri më tani ky nënvariant nuk paraqitet shqetësues, por ende nuk dihet efektshmëria që ai ka, si dhe sa shpejt mund të ngjitet tek një person, apo se cfarë simptomash ka. OBSH ka njoftuar se deri më tani nënvarianti BA.2 është përhapur në rreth 40 vende të botës, duke përfshirë edhe Shtetet e Bashkuara të Amerikës. Bëhet me dije gjithashtu se ai është përhapur edhe në Danimarkë, ku raportet deri më tani tregojnë se nuk duket të jetë më vdekjeprurës se varianti bazë. Varianti Ba.2 po përhapet me shpejtësi edhe në Mbretërinë e Bashkuar. OBSH u ka bërë thirrje qeverive dhe shkencëtarëve në nbarë botën, që të marin në studim variantin e ri për të ditur efekshmërinë që ai ka dhe nëse ka apo jo të njëjtin rrezik si variantet e tjera.