Ish-prokurori Adriatik Llalla nuk u paraqit këtë të enjte në Gjykatën e Posacme të Apelit. Në një seancë ku ish-prokurori nuk ishte i pranishëm, avokati i tij mbrojtës Sokol Azizaj, i kërkoi gjykatës pafajësi, kthim të çështjes për rigjykim në shkallën e parë, ose në rast fajësie, pezullim të dënimit me burg. Azizaj paraqiti në gjykatë një akt ekspertim mjeko-ligjor, ku thuhej se Llalla ishte i sëmurë dhe në regjim spitalor, duke kërkuar që kjo të merret parasysh në dhënien e vendimit. Më 20 maj të këtij viti, gjykata e posacme e dënoi ish prokurorin e përgjithshëm me 2 vite burg e 5 vjen heqje të drejte për funksione publike, nën akuzën e fshehjes dhe mosdeklarimit të pasurisë së tij. Gjykata gjithashtu vendosi edhe konfiskim të pasurive, gati 22 mijë metra katrorë truall dhe një apartament në Durrës. Ndërkohë, prej shkurtit të vitit 2018, Adriatik Llalla është pjesë e listës së zezë të Departamentit Amerikan të Shtetit, që i ka ndaluar hyrjen në SHBA atij dhe familjarëve të tij.