Faqet e internetit të qeverisë së Finlandës janë sulmuar nga hakerat në kohën kur presidenti ukrainas, Volodimir Zelenski, mbajti një fjalim para parlamentit, vetëm pak orë pasi deputetët finlandezë ndërmorën një tjetër nismë pro anëtarësimit të vendit në NATO. Faqja e internetit e qeverisë dhe ato të ministrive të mbrojtjes dhe të jashtme, u goditën nga sulme që kishin si qëllim ti bënin të paaksesueshme për përdoruesit. Më herët ndërkohë, ministria finlandeze e mbrojtjes raportoi shkeljen e hapësirës ajrore të vendit nga një avion rus, IL-96-300, i cili qëndroi për të paktën tre minuta mbi brigjet jugore të Finlandës. E për të shtuar akoma më shumë tensionet mes vendeve që kufizohen me njëri tjetrin, Finlanda dëboi dy diplomatë rusë dhe i zhvlerësoi vizën një të treti në shenjë proteste ndaj pushtimit të Ukrainës.