Konfindustria ka ngritur shqetësimin për gjendjen e autostradës Tiranë-Durrës, në prag të sezonit turistik 2025, përfshi edhe rrugën dytësore në Zonën Industriale të Tiranës. Sipas Konfindustrisë, për mirëmbajtjen e rrugës Tiranë -Durrës janë shpenzuar në mënyrë të përsëritur dhjetra milionë euro nga buxheti i shtetit si dhe projekti i Bankës Botërore 2020-2025, prej 50 milionë euro me shprehje të qartë të korrupsionit të përsëritur institucional. Në njofim thuhet, se gjatësia e rrugës më të rëndësishme të Shqipërisë për nga ngarkesa e lëvizjes është tërësisht jashtë standartit më të ulët. Sipas konfindustrisë, gjendja është edhe më shqetësuese, nëse vlerësohet, se jemi në prag të fillimit të sezonit të turizmit 2025. Kjo rrugë, sipas konfindustrisë, ka shkaktuar pasoja të rënda ekonomike për qytetarët dhe bizneset në shkatërrimin e mjeteve, kohën e lëvizjes, por edhe shkak për aksidente me pasoja jetësore për pëdoruesit.