Imazhe të reja satelitore tregojnë një autokolonë të gjatë mjetesh të blinduara dhe artilerie që i drejtohet zonave nën rrethim në ukrainën lindore ndërsa të dyja palët përgatiten për një fazë të re brutale të luftës. Imazhet e Maxar technologies, tregonin një autokolonë 13 kilometra të gjatë që gjarpëronte përmes qytetit Velykyi Burluk. Autokolona po drejtohej për në jug përmes një harku territoresh të kontrolluara nga rusia në ukrainën lindore dhe besohet se ka si destincion vijat e frontit në rajonet e Luhanskut dhe Donetskut. Forcat ruse u tërhoqën nga pozicionet kyce rreth Kievit, javën e shkuar, përballë rezistencës së ashpër të forcave të armatosura ukrainase dhe besohet se po rigrupohen për një ofensivë të re, të madhe, në Donbash. Por, humbjet e shkaktuara nga Ukraina mbi ushtrinë ruse janë aq të mëdha sa që kremlini ka rikthyer sytë nga rekrutimi i personelit ushtarak në pension për të shtuar numrin e trupave në front.