Tre persona janë arrestuar në flagrancë, të cilët u kapën me disa mina me telekomandë. Si pasojë e disa informacioneve të siguruara në rrugë operative, efektivët e policisë kanë intensifikuar kontrollet. Patrullat e policisë janë shpërndarë në disa lagje të Durrësit, ku vetëm në lagjen numër 9 është bërë e mundur kapja dhe arrstimi i tre shtetasve. Tre të arrestuarit janë identifikuar si Ilir Alliu, Edmond Bardhi dhe Bledar Çakalli, të gjithë të lindur në Dibër por me banim në Sukth të Durrësit. Gjatë kontrollit në automjetin e tyre tip “Volvo” janë gjetur dhe sekuestruar në cilësinë e provës materiale tre mian me telekomandë të cilat do të shiteshin në Durrës, me një çmim që varion nga 2500 deri në 3000 euro copa. Operacioni policor i koduar “Muzeu” u bë edhe barrierë mbrojtëse për akte të mëvonshme kriminale. Nuk dihet ende në adresë të kujt po shkonin tre minat me telekomandë. Mbetet ende për të zbuluar nëse tre të rinjtë kanë ushtruar edhe më parë këtë aktivitet. Efektivët e policisë po punojnë për zbardhjen e plotë të dinamikës së ngjarjes. Ndërkohë në bashkëpunim me Prokurorinë po punohet për identifikimin e personave të tjerë që mund të jenë implikuar në ëktë aktivitet.