Hetimet për krimet që i rëndojnë emrit të Talo Çelës dhe grupit të tij kriminal kanë ardhur drejt fundit. Pas përfundimit të hetimeve nga Prokuroria e Posaçme, SPAK përcolli për gjykim çështjen penale në ngarkim të të pandehurve në Gjykatën e Posaçme për Korrupsionin dhe Krimin e Organizuar. Janë disa skema kriminale, të cilat mbajnë firmën e Talo Çelës. Duke filluar që nga atentatit me breshëri kallashnikovi ndaj dy të rinjve Dorian Shkoza dhe Anxhelo Avdia, i cili daton në 2 mars 2020 si dhe vrasja e dy vëllezërve Viktor dhe Besmir Haxhia, e cila daton në 27 prill të vitit 2020 si. Të dyja atentatet kanë ndodhur në harkun kohor të vetëm dy javëve dhe pasi hetimet policore kanë konkluduar në bashkim të dy dosjeve, është zbuluar se skema e atentetit ka qenë e ngjashme si dhe vendngjarjet janë të përafërta. Për vrasjet e dyfishta akuzohen kreu i grupit kriminal Talo Çela, si dhe Nuredin Dumani, Klevis Alla, Altin Ndoci, Besian Xhixha dhe Enver Diva.