“Në një vend të vogël ku Blair dhe Klinton janë idhuj, një histori suksesi e NATO-s kërcënon të kthehet në histori të hidhur. Kështu, gazeta britanike The Times, edicioni i të dielës, e nis artikullin e saj dedikuar procesit gjyqësor që po mbahet në dhomat e specializuara për kosovën në Hagë, kundër Hashim Thacit dhe të tjerëve. E përjavshmja britanike i ka dedikuar një artikull të gjatë gjyqit kundër ish liderëve të UCK-së, që akuzohen për krime lufte dhe krime kundër njerëzimit nga zyra e prokurorit të specializuar. Artikulli i dedikohet ish liderit politik të UCK-së, që më pas u bë kryeministër dhe president i Kosovës, Hashim Thaci, që ndodhet në qelitë e hagës që nga nëntori 2020 bashkë me Kadri Veselin, Jakup Krasniqin dhe Rexhep Selimin, dhe pasqyron të gjitha zhvillimet, që fillojnë me ndërhyrjen e NATO-s në Kosovë në mars 1999.