Vladimir Putin ka ende një as nën mëngë kundër përendimit, të cilin duket se po ruan për momentin e fundit. Ai mund të mbyllë një rrugë të hapur për autokolonat ndërkombëtare humanitare që sjellin ushqim, ujë dhe ndihma të tjera për më shumë se një milion sirianë të rrethuar nga lufta civile, si nje mjet presioni ndaj SHBA dhe NATO për të mos armatosur Ukrainën. Diplomatët dhe ekspertët thonë se mbyllja e korridorit, në pikën kufitare Bab al-Haëa me Turqinë, do të detyronte mijëra njerëz të largoheshin nga Siria. Kjo vetëm do të përkeqësonte krizën e refugjatëve në Evropë dhe Lindjen e Mesme, e cila tashmë konsiderohet më e keqja që nga Lufta e Dytë Botërore. Këshilli i Sigurimit i OKB-së, ku Rusia ka të drejtën e vetos, do të votojë në korrik nëse rruga për të ofruar ndihmë do të mbetet e hapur. Por duket se pasojat e luftës në Ukrainë dhe interesat konfliktuale të Rusisë dhe Shteteve të Bashkuara po ndihen tashmë edhe në këtë korridor.