Policia e Tiranës ka zbuluar një bazë ku fshihej një arsenal armësh, duke arrestuar në flagrancë një 34-vjeçar, ndërsa dy persona të tjerë janë shpallur në kërkim. Gjatë kontrollit të ushtruar në furgonin e të arrestuarit, forcat e rendit sekuestruan 23 armë zjarri, përfshirë 12 pistoleta, 6 automatikë dhe 5 armë të ngjashme me snajper, si dhe një silenciator, 17 krehra, rreth 15 000 fishekë, pjesë të ndryshme armësh dhe 17 kuti me pranga të ngjashme me ato që përdor policia.