Një ish-bashkëpunëtor i lordit kolumbian të drogës Pablo Escobar është arrestuar nën akuza për trafik droge, në vilën e tij luksoze në Medellín, pas një operacioni ndërkombëtar, tha policia spanjolle. Ai mendohet të jetë një nga udhëheqësit kryesorë të kartelit Medellín, dikur i njohur si sindikata më e madhe e trafikut të drogës në botë. Grupi ishte një kartel i fuqishëm dhe shumë i organizuar kolumbian i drogës dhe një organizatë terroriste po ahstu, që u themelua dhe drejtohej nga Pablo Escobar. I dyshuari u arrestua në një operacion të përbashkët nga Policia Kombëtare e Spanjës dhe Drejtoria e Inteligjencës Policore e Policisë Kombëtare të Kolumbisë. I dyshuari, për të cilin urdhri i arrestit ishte lëshuar në Spanjë, mendohet të jetë përgjegjës i drejtpërdrejtë për operacionet e Kartelit në Evropë, duke vepruar si një lidhje midis Kartelit Medellín, grupit mafioz italian “Ndragetta” dhe Mocro Mafia, që vepron në Holandë.