Një i ri u arrestua në Gjermani pasi dyshohet se do të kryente një sulm islamik thanë autoritetet të enjten. Ai, sipas hetimeve, po planifikonte të ndërtonte disa bomba artizanale e më pas t’I përdorte për të kryer sulmet terroriste. I dyshuari, emri dhe mosha e të cilit nuk u publikuan, u arrestua të martën në mbrëmje, thanë prokurorët në Koblenz. Përmes një deklarate prokurorët sqaruan se besojnë se ai u radikalizua përmes internetit dhe më pas u angazhua për të përhapur propagandë duke vlerësuar grupiun terrorist “Shteti Islamik”. Gjatë kontrollit në shtëpinë e tij në tetor u gjetën dy bajoneta, thanë hetuesit. Një tjetër kontroll në shtëpinë e tij këtë javë zbuloi “vegla të tjera” të cilat mund të jenë siguruar për t'u përdorur në ndërtimin e një mekanizmi ndezës, shtuan ata ndrësa sqaruan se nuk gjetën asnjë eksploziv apo lëndë që mund të përdoren për shpërthimin. I ndaluari do të mbahet në paraburgim në pritje të ngritjes së një aktakuze të mundshme.