Policia Kufitare e Durrësit ka finalizuar me sukses operacionin policor të koduar “Marine”, që kishte për qëllim goditjen e veprimtarisë kriminale të ndihmës për kalim të paligjshëm të kufirit. Në prangat e policisë ka rënë shoferi 47-vjeçar që fshehu në kamionin që drejtonte, 3 shtetas që synonin të kalonin ilegalisht në Itali. Ai akuzohet për ndihmë për kalim të paligjshëm të kufijve dhe përkrahje të autorit të krimit. 2 nga shtetasit e fshehur në kamion, të shpallur në kërkim nga autoritetet italiane, njëri prej tyre i akuzuar si pjesëtar i një organizate kriminale që trafikonte lëndë narkotike. Këta 2 shtetas u vunë në pranga, ndërsa ndaj shtetasit tjetër i fshehur në kamion, i dënuar më parë në Itali, ka nisur hetimi në gjendje të lirë.
 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						 
						