Policia Tiranë ka finalizuar operacionin policor e koduar “Collaboration 1”. Uniformat ‘blu’ kanë zbuluar një banesë të përshtatur për përgatitjen e dozave të kanabisit. Policia ka arrestuar në flagrancë shtetasin me iniciale S. H., 23 vjeç, banues në Tiranë , ndërsa ka spallur në kërkim shtetasin me iniciale Xh. B. Nga veprimet hetimore dyshohet se këta shtetas bashkëpunonin për sigurimin e lëndës narkotike, ndarjen e saj në doza dhe shitjen e tyre në qytetin e Tiranës. Gjatë kontrollit në banesën e marrë me qira nga shtetasi me iniciale Xh. B., Policia ka gjetur 5 kg lëndë narkotike kanabis dhe 2 pershore elektronike, që u sekuestruan në cilësinë e provës materiale. Gjithashtu, në kuadër të këtij operacioni, uniformat ‘blu’ kanë arrestuar një shtetas turk 24 vjeç. Ai u kap në flagrancë me një sasi lënde narkotike kanabis që dyshohet se ia kishte blerë 23-vjeçarit. Materialet procedurale i kaluan Prokurorisë, për veprime të mëtejshme.