Hetimet për zbardhjen e mëtejshme të korrupsionit të gjyqtares së arrestuar një ditë më parë së bashke me një avokat dhe një shef të departamentit të drejtësisë në universitetin e Durrësit janë intensifikuar më tej. Ngjarja për të cilët veproi SPAK ka ndodhur në 5 korrik, kur është arrestuar Orion Bali gjatë operacionit policor të koduar “perimetri” nën akuzën e dhënies ndihmë për kalim të paligjshëm të kufirit. Top Channel shkruan se të arrestuarit për këtë cështje korruptive janë Nejton Bali, Klaudjo Zhilla, Skënder Demiraj të cilët në bashkëpunim me njëri tjetrin kanë konsumuar veprën penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, duke i dhënë shtetases Mimoza Margjeka, me detyrë gjyqtare, aktualisht e komanduar në Gjykatën e Apelit Korçë, nëpërmjet bashkëshortit të saj, shtetasit Arben Cara, një shumë prej 6.000 eurosh, si përfitim të paligjshëm. Por, për hetimin e cështjes kanë shërbyer edhe përgjimet telefonike.