Presidenti turk Rexhep Tajip Erdogan shprehu të premten mbështetjen e tij pas thirrjes së liderit të Ukrainës Volodymyr Zelensky për një armëpushim ajror dhe detar në luftën në Ukrainë. "Ne mbështesim idenë e vendosjes së një armëpushimi sa më shpejt të jetë e mundur dhe ndalimin e sulmeve në ajër dhe në det si një masë për ndërtimin e besimit midis palëve," tha Erdogan në një takim online të organizuar nga BE. "Përpjekjet tona për të arritur një marrëveshje që do të garantojë sigurinë e lundrimit në Detin e Zi përputhen me këtë qasje," tha ai. Deklarata e tij erdhi menjëherë pasi presidenti ukrainas përsëriti kërkesën e tij për "armëpushim në qiej... dhe gjithashtu në det", pas një sulmi "masiv" rus mbi rrjetin energjetik të vendit gjatë natës. Edhe presidenti francez Emmanuel Macron ka thënë më herët se Londra dhe Parisi po propozojnë një armëpushim një mujor në Ukrainë "në ajër, në det dhe mbi infrastrukturën energjetike".