Edhe pse u mundua të transportonte fshehurazi gati 12 ton armëtime nëpërmjet vendeve të NATO , Serbia ka hequr të mërkurën të gjithë përgjegjësinë vetja për rrëzimin e avionit në Kavalla të Greqisë. Beogradi pretendon organizimi i fluturimit me armatime serbe nga Nishi drejt Bangladeshit, dhe as përzgjedhja e kompanisë transportuese, nuk kanë qenë kompetencë e Republikës së Serbisë. Reagimi i ministria serbe yë Mbrojtjes vjen katër ditë pasi një aeroplan ukrainas, është rrëzuar në veri të Greqisë ndërkohë që incidenti ajror është i rrethuar nga misteri. Serbia thotë se aeroplani që është rrëzuar në Greqi ka qenë duke i transportuar armatim Ministrisë së Mbrojtjes së Bangladeshit. “Serbia respekton të gjitha rregulloret ndërkombëtare për tregti dhe eksport të armëve dhe pajisjeve ushtarake, andaj edhe do të vazhdojë të prodhojë dhe të shesë pajisje të industrisë së saj të mbrojtjes, te të gjithë përdoruesit e autorizuar”, theskon ministria në njoftim. Ajo e ka përsëritur se pronare e gjithë armatimit ka qenë kompania private “Valir” dhe aeroplani, në pronësi të një kompanie ukrainase, ka bartur rreth 11.5 tonë mina dhe armatimë. Ministria serbe ka përsëritur po ashtu se asnjë armë nuk është transportuar në Ukrainë, dhe se prej vitit 2016 nuk është lëshuar asnjë leje për transportim të çfarëdo lloji armësh nga Serbia në Ukrainë. Pamjet: AFP