“Pretendimet e autoriteteve serbe që po armatosen për t’u mbrojtur nga vendet fqinje nuk qëndrojnë”, ka deklaruar kështu ministri I Mbrojtjes së Kosovës, Ejup Maqedonci, pas blerjes së raketave sipersonike kineze nga Beogradi. Ministri tha se Serbia përmes blerjes së armëve kineze po shpërfaq tendencat hegjemoniste në raport me vendet fqinje. Maqedonci I bëri këto deklarata, një ditë pasi presidenti serb Aleksander Vuçiç bëri të ditur se Serbia ka blerë raketet balistike supersonike CM-400 nga Kina. Ministri tha se asnjë shtet fqinj I Sërbisë në asnjë rast nuk ka shfaqur ndonjë qëllim agresiv apo sulmues në raport me Serbinë. Ai u shpreh me tej se blerjet nga Rusia dhe Kina janë bërë prej disa vitesh dhe se kjo është një vazhdimësi e politikës së Vuçiqit.