Gjykata e Posaçme e Apelit ka lënë në fuqi vendimin e Gjykatës së Shkallës së Parë për masën e sigurisë ‘arrest me burg’ për prokurorin e Sarandës, Sali Hasa dhe pesë personat e tjerë, të përfshirë në dosjen e tij. Më herët Këshilli i Lartë i Prokurorisë vendosi me votë unanime shkarkimin e këtij prokurori nga ushtrimi i detyrës në Prokurorinë pranë Gjykatës të Rrethit Gjyqësor Sarandë. Emri i prokurorit Sali Hasa u evidentua fillimisht gjatë hetimeve për dosjen e gjyqtares së Krujës, Enkeleda Hoxha. Referuar përgjimeve për këtë çështje, ish prokurori i Sarandës, ka pushuar një procedim penal kundrejt marrjes së parave për një kriminel.. Gjithashtu një tjetër çështje që implikon ish prokurorin e Sarandës është edhe ajo e ndryshimit dhe paracaktimit të rezultateve të garave sportive. SPAK ka administruar një sërë provash amteriale gjatë hetimit disa mujor, duke filluar që nga pamjet filmike e deri në terren vëzhgimi në terren i të dyshuarve. Si rezultat i hetimeve në pranga kanë rënë edhe Qerim Ruçi, arbitër i ndeshjeve të futbollit, si i dyshuar për kryerjen e veprës penale “Paracaktim i rezultateve në garat sportive”, Bledar Hajredini, zyrtar i klubit sportiv SHS “Përmeti”, i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, Julian Zera, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”.