Mjekja e spitalit ‘Shefqet Ndroqi’, ose sic quhet ndryshe tashmë COVID2, Silva Bala u ka bërë apel qytetarëve të prekur nga virusi që të mos neglizhojnë rekomandimet e mjekëve. Profesoreshë Silva Bala ka sqaruar rastet kur qytetarët e prekur nga Covid duhet ti drejtohen spitaleve. "Nëse ju drejtoheni tek mjeku i familjes, nëse ju drejtoheni tek mjeku specialist dhe mjeku ju thotë se ju jeni për të vajtur për t’u trajtuar në spital, mos e neglizhoni këtë rekomandim të mjekut. Drejtohuni sa më parë qendrave spitalore në kohën që mjeku mendon se nuk mundet të vazhdoni më të mjekoheni në shtëpi. Në shtëpi mjekohet sëmundja e lehtë. Mjeku kur mendon se sëmundja është e patrajtueshme në shtëpi, patjetër dhe është e domosdoshme që trajtimi të bëhet në qendrat spitalore, nën trajtim të kontrolluar me ekzaminime dhe në ndjekje të vazhdueshme të gjendjes suaj”, shprehet Bala, në mesazhin e publikuar në rrjetet sociale nga Ministrja e Shëndetësisë dhe Mbrojtjes Sociale Ogerta Manastirliu Në apelin e saj për qytetarët mjekja u bën thirrje që të jenë sa më të kujdesshëm në respektimin e masave e sidomos në mbajtjen e maskës mbrojtëse.