Sot në orën 12.30 duhej të zhvillohej mbledhja e KKIE e cila fatkeqësisht nuk do të zhvillohet duke humbur një mundësi për të pasur një debat të hapur dhe gjithëpërfshirës për raportin e progresit të Shqipërisë të publikuar gjatë javës së shkuar si dhe planin e rritjes. Kështu e nisi deklaratën e saj për mediet, Kryetarja e Këshillit të Integrimit Europian, Jorida Tabaku, e cila ndonëse jo në mënyrë të drejtpërdrejtë, por fajëson opozitën e cila me aksionin e saj për të moslejuar funksionimin normal të parlamentit, si duket solli edhe anulimin e kësaj mbledhje. Tabaku ka renditur 6 pika të raportit, që për të ndikojnë në nivelin e demokracisë: si parregullsitë në zgjedhje, mungesa e kryeministrit në jetën parlamentare dhe përballjen me opozitën, lufta ndaj korrupsionit, ndikimet politike në reformën në drejtësi, liria e medias apo rritja e prokurimeve publike me negocim pa shpallje.