Ai konsiderohej ajsbergu më i madh në botë. U shkëput nga antarktida në 2017-ën, dhe shkaktoi madje edhe frikë se do të përplasej në mënyrë fatale me tokën. Por, ngrohja e oqeanit atlantik ka bërë që ai të shkrihet dhe të ndahet në mijëra ajsbergë të vegjël, që tashmë nuk përbëjnë më interes. Ajsbergu më i madh në botë, që u bë edhe një yll i mediave sociale, i njohur me emrin A68, është shkrirë. Lajmi ëhstë konfirmuar nga BBC. Ai kishte një sipërfaqe prej rreth 6 mijë kilometrash katror, peshonte rreth një miliardë don dhe ishte shkëputur nga antarktida në 2017-ën. Sipas qendrës kombëtare të akullnajave, në shba, tashmë ai është shndërruar në mijëra pesëza të vogla që nuk ia vlen më të mbahen nën monitorim. Ajsbergu ishte bërë i famshëm kur pas një viti në të cilin praktikisht nuk kishte lëvizur, filloi të zhvendosej drejt veriut, me një shpejtësi në rritje, duke ndjekur rryma dhe erëra të forta. Frika ishte që mega blloku, mund të përplasej me territoret britanike të South Georgia. Por, dallgët, uji i nxehtë dhe temperatura e rritur e Atlantikut, në përfundim, kanë bërë që A 68 të shkrihej.