Gjykata Administrative e Tiranës ka lënë në fuqi vendimin e Autoritetit të Medias Audio-vizive për heqjen e licencës së platformës televizive TIBO. Vendimi i AMA-s u mor të hënën e 11 dhjetorit, teksa kompania TIBO iu drejtua Gjykatës Administrative të Tiranës, ku kërkoi pezullimin e heqjes së licencës. Megjithatë, pasi ka dëgjuar pretendimet e palës paditëse dhe avokaturës së shtetit, Gjykataka vendosur të rrëzojë padinëe TIBO-s dhe të lërë në fuqi heqjen e licencës, sipas vendimit të AMA-s. Vendimi i AMA-s për heqjen e licencës ndaj platformës televizive TIBO, erdhi pas një sërë padish për transmetim në mënyrë pirate të programeve televizive, kryesisht evente sportive. Për të gjithë rastet AMA ka kryer verifikimet në terren dhe ka vërtetuar pretendimet e shoqëria TIBO transmeton programe televizive pa pasur të drejtë. Vlen të theksohet se para se të mbërrinte te heqja e licencës, Autoriteti i Medias Audio-Vizive, ka gjobitur në disa raste shoqërinë TIBO, e cila në asnjë moment nuk ka reflektuar dhe ka vijuar transmetimin pirat. Kompania TIBO ka abuzuar në mënyrë të vazhdueshme, duke transmetuar pa asnjë të drejtë dhe në pirateri të plotë, jo vetëm kampionate europiane futbolli por edhe produksione të televizioneve të tjera, sikurse është prodhimi i Top Channel, ‘Big Brother Albania’, apo programe të tjera televizive.