Në zgjedhjet e përgjithshme parlamentare listës së kandidatëve për deputetë të Partisë Demokratike iu bashkangjitën edhe aleatët në koalicionin e firmosur nga kryedemokrati Lulzim Basha. Pas numërimit të votave preferenciale të kandidatëve janë evidentuar edhe votat që ka marrë secili prej aleatëve. Shpëtim Idrizi, kreu i partisë për Drejtësi, Integrim dhe Unitet është kandidati më i votuar në listat e Partisë Demokratike , Aleanca për Ndryshim me 5mijë e 943 vota. Pas Idrizit, aleati që ka siguruar më shumë vota është kreu i Partisë Republikane Fatmir Mediu me 5 mijë e 195 vota, ndjekur nga kreu i Lëvizjes për Zhvillimin Kombëtar, Dashamir Shehu. Ndërkohë aleati më pak i votuar në këto zgjedhje parlamentare është kryetari i Partisë Demokristiane, Nard Ndoka i cili kandidonte i teti në listat e PD-AN në Shkodër. Ai ka arritur të sigurojë vetëm 228 vota.