Teksa data e zgjedhjeve në Kosovë sa vjen e afrohet, kanë nisur të rriten tensionet mes palëve politike e militantëve të tyre. Një ngjarja e pazakontë është regjistruar në Skënderaj të Kosovës, ku përkrahësit e HAshim Thaçit dhe Partisë Demokratike të Kosovës, kanë sulmuar me lëndë piroteknike kryeministrin aktual Albin Kurti. Ngjarja e rëndë është shënuar kur Kurti ka mbërritur në Skënderaj, ku ishte planifikuar takimi elektoral i radhës, teksa gjatë kohë që Kurti po hynte në ambientet e sallës ku do të mbahej tubimi, disa persona kanë hedhur në drejtim të tij lëndë piroteknike dhe fishekzjarrë. Ka qenë mbrojtja e afërt e kryeministrit ajo që ka reaguar menjëherë, duke e mbuluar Kurtin dhe deputetët e tjerë të Vetëvendosjes me çadra për të garantuar sigurinë e tyre, e fatmirësisht nuk ka raportime për të lënduar nga këto tensione.