Suel Çela i njohur edhe si Marjus Lulaj i është drejtuar me kërkesë gjykatës së Posaçme ndryshimin e masës së sigurisë nga arrest me burg me një masë më të lehtë sigurie. Kjo kërkesë është dorëzuar pavarësisht se prej muajit maj 2022, Suel Çela është në kërkim në kuadër të operaacionit Plumbi I Artë, që goditi disa nga grupet kriminale më të rrezikshme në vend. Çela u shpall në kërkim pas dëshmisë të dëshmitarit të drejtësisë Nuredin Dumani. Sipas Prokurorisë së Posaçme, Suel Çela ka porositur vrasjen e biznesmenit Lulzim Masha pranë liqenit artificial. Ngjarja ndodhi në fillim të vitit 2022 ku sipas Nuredin Dumanit porosia ishte dhënë nga një miku i Suel Çelës dhe për këtë ekzekutim do të paguheshin 150 mijë euro. Për këtë ngjarje u ngarkua Skerdi Tase, por atij i ngeci arma kur qëlloi dhe Masha arriti ti mbijetonte atentatit. SPAK gjithashtu dyshon se Suel Çela ka porositur edhe vrasjen e Elton Kilës, ose siç njihet ndryshe si “Oti I Elbasanit”. Në mars të vitit 2022, Nuredin Dumani së bashku me Henrik Hoxhajn kishin organizuar atentatin nga Kilës, por ata vetë u plagosën në një pritë të ngritur nga Talo Çela, në Papër të Elbasanit, ku Dumani u plagos rëndë. Më pas ai u vu në pranga në një apartament në Fier, ku ishte mjekuar për disa orë nga mjekë në kushte shtëpie.