Një skandal i madh politik ka shpërthyer në Mal të Zi pasi Kryeministri Dritan Abazoviç është vënë në shënjestrën e mediave vendase se ka marrë celularë të koduar nga një prej grupeve kriminale në Ballkan. Kryeministri reagoi ashpër duke mohuar çdo lidhje me organizatat kriminale dhe kërkoi nga Prokuroria Speciale e Shtetit që të hetojë sa më shpejt raportet e mediave. “I bëj thirrje Prokurorisë Speciale të Shtetit që të hetojë të gjitha akuzat e mjegullta që lidhen me emrin tim, të publikuara nga portalet përgjegjës për kryerjen e fushatës më të ndyrë kundër meje”, shkruan Abazovic në një postim në rrjetet sociale. Kryeministri shton se vetmja që ka lidhje me grupet kriminale është partia e presidentit Milo Gjukanovic, qëllimi i të cilit është të destabilizojnë Malin e Zi për të ruajtur fuqinë e financiare, por edhe për të shmangur drejtësinë.