1050 bimë dhe fidanë kanabisi u asgjësuan nga policia në territorin e Mirditës. Operacioni I koduar “Territori I Pastër” u zhvillua në zonën e fshatit Klos ndërsa u arrestua autori I dyshuar si dhe u procedua penalisht kryeplaku së bashku me specialistin e pyjeve për shpërdorim detyre. Në pranga përfundoi një 28-vjeçar, pasi nga kontrollet e ushtruara me dron uniformat blu konstatuan lëndën narkotike në një zonë të pyllëzuar mbi banesën e 28-vjeçarit që po kujdesej për to. Operacioni vijoi edhe në Lezhë ku u arrestuan një 62-vjeçar dhe u shpall në kërkim nipi I tij, të cilët kishin krijuar kushtet për mbjelljen e farave të kanabisit. Gjatë kontrollit në banesat e tyre, shërbimet e policisë gjetën dhe sekuestruan në cilësinë e provës materiale: 1 armë zjarri dhe 1 armë gjahu, municione, 2500 fara cannabisi, një sasi cannabisi dhe 5 radio marrëse si dhe sende të tjera.