Një aksident tragjik në provincën e Brescias në Itali, i ka marrë jetën pesë të rinjëve të moshave nga 17 deri në 22 vjeç, mes të cilëve katër djem dhe një vajzë. Sipas mediave italiane, ngjarja e rëndë ka ndodhur në orët e vona të mbrëmjes së të shtunës në rrugën provinciale 45 në komunën Rezzato, në provincën e Brescia, ku një autobus është përplasur me makinën me të cilën udhëtonin pesë të rinjtë duke u marrë jetën në mënyrë të menjëhershem. Viktimat janë tre 20 vjeçarët e identifikuar si Dennis Guerra, nga Sabbio Chiese, El Harram Imad, nga Preseglie dhe Natiq Imad, nga Pertica Bassa, 22-vjeçari Natiq Salà, nga Vestone, dhe një vajzë 17-vjeçare, Irene Sala. Ndërkohë nga aksidenti ka shpëtuar vetëm shoferi i autobusit. Autobusi dhe makina janë shkatërruar thuajse plotësisht nga përplasja e fortë, dëmtime të cilat japin shenjat e një shpejtësie tejet normave të lejuara në atë aks rrugor. Megjithatë grupi hetimor i shtetit fqinj ndodhet në vendngjarje për të bërë të mundur zbardhjen e plotë të rrethanave në të cilat humbën jetën pesë të rinjtë.