Tre persona kanë humbur jetën, pasi makina me të cilën po udhëtonin ra në liqenin e Badocit. Policia e Kosovës tha se aksidenti ndodhi në orët e vona të së shtunës në rrugën Gjilan-Prishtinë. Ministri i Punëve të Brendshme, Xhelal Sveçla, tha se pas marrjes së informacionit për këtë aksident, Policia e Kosovës ka mbërritur menjëherë në vendngjarje. Me ndihmën e Forcave të Sigurisë së Kosovës dhe ekipeve të zjarrfikësve, makina së bashku me trupat e pajetë janë nxjerrë nga liqeni i Badocit. “Aktualisht, ekspertët e fushës janë duke bërë hetime për të zbuluar shkakun e aksidentit”, tha Sveçla. Ai u bëri thirrje qytetarëve që të drejtojnë makinat me kujdes, me qëllim që të shmangen aksidente të tilla. Në një deklaratë për shtyp policia e kosovës sqaroi se aksidenti me pasoja fatale ka ndodhur rreth orës 23 të mbrëmjes. Në aksident ka qenë i përfshirë një automjet në lëvizje dhe ekipi mjekësor që arriti menjëherë në vendin e ngjarjes konfirmoi vdekjen e tre personave që gjendeshin në mjet. Pamje: AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.