Një aksident trafiku është regjistruar në Greqi ku ka mbetur viktimë një 19-vjeçar dhe gjashtë të tjerë të plagosur. Aksidenti ka ndodhur në orët e para të së dielës në rrugën nacionale Athinë-Selanik, në dalje të tunelit, kur një autobus është përplasur me dy automjete. Si pasojë ka humbur jetën një 19-vjecar dhe gjashtë persona të tjerë u plagosën, të gjithë pasagjerë në automjete. Dy prej të plagosurve ndodhen në spital në gjendje kritike për jetën. Në autobusin e kompanisë KTEL-it ndodheshin gjithsej 77 persona, të cilët janë në gjendje të mirë shëndetësore dhe vazhduan rrugën për në Athinë me një autobus tjetër. Policia ka mbërritur në vendngjarje dhe shoferi i autobusit është arrestuar . Për rreth shtatë orë trafiku në drejtim të Athinës u zhvillua me një korsi, por tashmë qarkullimi po zhvillohet normalisht.